શ્રાવણી પર્વ (૭)

Jiji5

આજે શ્રાવણ વદ ચોથ. પ. પૂ. ગો. ૧૦૮ ઇન્દિરાબેટીજી મહોદયા – પૂ. શ્રી જીજીનો મગંલ જન્મદિવસ.

આપશ્રીને જન્મદિવસની ખૂબ ખૂબ વધાઈ તેમજ આપશ્રીના શ્રીચરણોમાં સદૈન્ય દંડવત્પ્રણામ સાથે અનેકાનેક શુભકામનાઓ પાઠવતાં ધન્યતા અનુભવીએ છીએ.

આ મંગલ જન્મદિવસના ઉપલક્ષમાં શ્રાવણી પર્વ અંતર્ગત આપણે આપશ્રી રચિત કેટલાંક સુંદર કાવ્યો માણ્યાં. આ ભક્તિસભર રચનાઓ આપશ્રીના વૈવિધ્યસભર વ્યક્તિત્વનું મહત્વનું પાસું છે. આપનાં અનેક કાવ્યો ‘સાંવરિયા શેઠની શેઠાણી’, ‘મોગરાનો શ્વાસ’, ’ગાવલડી મારે બનવું છે’ જેવાં પુસ્તકોમાં ગ્રંથસ્થ થયા છે તેમજ કેસેટ-સીડી દ્વારા પણ પ્રકાશિત થયાં છે.

આ કાવ્યો આપશ્રીના ભક્તહૃદયની ભાવુકતા, કવિહૃદયની કોમળતા અને મધુરતા તથા વિદ્વત્તાના પ્રતીક સમાં છે. આજે જોઈએ આવું જ એક કાવ્ય.

શ્રીજી દેખાય

રચનાઃ પ. પૂ. ગો. ૧૦૮ શ્રી ઇન્દિરાબેટીજી મહોદયા

———————————————————————————–

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

જ્યાં જોઉં ત્યાં મુજને શ્રીજી દેખાય

એના વરણાગી રૂપ મારી આંખે અંજાય…

ગોપીના ઘટ અને યમુનાના પટમાં

રાધાના મુખ પર ચોટેંલી લટમાં

જ્યાં જોઉં ત્યાં મુજને શ્રીજી દેખાય

એના વરણાગી રૂપ મારી આંખે અંજાય…૧

રાધાની ચૂંદડી ને રાધાની બંગડીમાં

રાધાની બિન્દી ને મ્હેન્દીનાં રંગમાં

જ્યાં જોઉં ત્યાં મુજને શ્રીજી દેખાય

એના વરણાગી રૂપ મારી આંખે અંજાય…૨

હોળીમાં લાલ લાલ ગુલાલભરી ઝોળીમાં

રાધાની ચંદનીયા રંગભરી ચોળીમાં

જ્યાં જોઉં ત્યાં મુજને શ્રીજી દેખાય

એના વરણાગી રૂપ મારી આંખે અંજાય…૩

ગોવર્ધન કંદરા ને ગહ્વર તે વનમાં

રાધાના રસભર્યા ભીના ભીના મનમાં

જ્યાં જોઉં ત્યાં મુજને શ્રીજી દેખાય

એના વરણાગી રૂપ મારી આંખે અંજાય…૪

કોયલના ટહૂકા ને ગોરીના મટકામાં

રાધાનાં માન-તાન લ્હેકા ને ઠમકામાં

જ્યાં જોઉ ત્યાં મુજને શ્રીજી દેખાય

એના વરણાગી રૂપ મારી આંખે અંજાય…૫

‘‘શ્રાવણી’’ કહે છે મને કણકણમાં પ્રાણમાં

રાધાનાં માનને ગુમાનભર્યાં વાનમાં

જ્યાં જોઉં ત્યાં મુજને શ્રીજી દેખાય

એના વરણાગી રૂપ મારી આંખે અંજાય…૬

  • Share/Bookmark

Comments

2 Responses to “શ્રાવણી પર્વ (૭)”
  1. nita shah says:

    wounderful,I love it. I love ji ji . I listen every morning,

  2. shobna manharlal says:

    જી જી ના ચરણો માં મારા દ્ન્દવત પ્રણામ પહોચે અને અમને આવા સુંદર ભાવ ભીના કિર્તનોનો રસ થાળ હમેશા આપતા રહે તેવી ચરણો માં વિનંતી જે શ્રી કૃષ્ણ શ્રી વલ્લભ

Speak Your Mind

Tell us what you're thinking...
and oh, if you want a pic to show with your comment, go get a gravatar!