(રચનાઃ ભક્તકવિ દયારામ) (સ્વરઃ રૂપા ગાંધી)
શ્યામ રંગ સમીપે ન જાવું મારે,
આજ થકી શ્યામ રંગ સમીપે ન જાવું.
જેમાં કાળાશ તે તો સહુ એક સરખું,
સર્વમાં કપટ હશે આવું… મારે૦
કોકિલાનો શબ્દ હું સુણું નહિ કાને,
કાગવાણી શકુનમાં ન લાવું… મારે૦
નીલાંબર કાળી કંચુકી ન પહેરું,
જમુનાના નીરમાં ન નહાવું… મારે૦
મરકત મણિ ને મેઘ દ્રષ્ટે ન જોવા,
જાંબુ વંત્યાક ના ખાવું… મારે૦
‘દયા’ ના પ્રીતમ સાથે મુખે નિયમ લીધો,
પણ મન કહે છે પલક ના નિભાવું… મારે૦
Je je shree gokulesh….Bhajan no rag ane sur khub saras che……shu vasant-pachmi thi khel na divso ma aa kirtan boli shakay che?…….replay on given mail…….